34 વર્ષથી પરંપરા, આસ્થા અને સેવા
દેવગઢ બારિયા સર્કલ બજારમાં છેલ્લા 34 વર્ષથી "જય માતાજી ગરબા મંડળ" દ્વારા ભવ્ય અને સફળ ગરબાનું આયોજન કરવામાં આવે છે. આ સર્કલનો ઇતિહાસ અત્યંત પ્રાચીન છે.
સર્કલમાં રાજા માનસિંહજી, જયદીપસિંહજી અને રણજીતસિંહજીની પ્રતિમા સાથે સર્કલવાળી માતાજીની પ્રતિમા સ્થાપિત છે. આ માતાજીની પૂજા અને અર્ચના બારેમાસ સમગ્ર શહેરના લોકો શ્રદ્ધાભાવથી કરે છે.
વર્ષ 2023માં આ સર્કલનું નવીનીકરણ રામ મંદિરના પવિત્ર પથ્થરથી કરવામાં આવ્યું હતું, જેનું શ્રેય નગરપાલિકાના પૂર્વ પ્રમુખ ડૉ. ચાર્મીબેન નીલ સોનીના પ્રયાસોને જાય છે.
આ સર્કલમાં થતો ગરબા દેવગઢ બારિયાનું મુખ્ય અને સૌથી મોટું ગરબા ગણાય છે.
અહીં કોઈ પાસ સિસ્ટમ કે ટિકિટ સિસ્ટમ નથી.
લોકો સેવા ભાવથી જે દાન આપે છે, તેનાથી જ દર વર્ષે ગરબાનું આયોજન થાય છે.
આ ગરબાની ખાસિયત એ છે કે દેવગઢ બારિયા જ નહીં પરંતુ આસપાસના ગામડાંમાંથી પણ હજારો લોકો માતાજીની આસ્થા સાથે જોડાઈને ગરબા રમવા આવે છે.
"જય માતાજી ગરબા મંડળ" માત્ર ગરબાનું આયોજન જ નથી કરતું, પરંતુ વર્ષભર અનેક સેવાકીય કાર્યોમાં પણ અગ્રેસર રહે છે.
વરસાદ કે આફત સમયે પ્રભાવિત લોકોને ભોજનની વ્યવસ્થા
કોરોના કાળ દરમિયાન ભોજન સેવા તથા અંતિમ સંસ્કાર સેવા
આ રીતે આ મંડળ આસ્થા સાથે સેવા ભાવનું અનોખું પ્રતિક બની રહ્યું છે.
દેવગઢ બારિયા સર્કલના આસ્થા કેન્દ્ર – સર્કલવાળી માતાજીના ચરણોમાં નમન
આ વર્ષે 34મા વર્ષની ભવ્ય ઉજવણીમાં આવો, જોડાઓ અને માતાજીના આશીર્વાદ મેળવો.